Jahni me Thjerrëza

Supa

Jahnia me thjerrza përbën një vakt të shijshëm e të shëndetshëm për këdo që e konsumon, jo vetëm për vlerat ushqyese që ka por edhe për efektet mbrojtëse që i dhuron organizmit kundër të ftohtit dhe virozave gripale të stinës.

E ngrohtë, e shijshme dhe pak pikante nëse dëshironi kjo është një pjatë fantastike, e cila falë ushqyesve që ka plotëson në mënyrë perfekte normën ditore të organizmit për fibra, hekur dhe proteina.

Thjerrëzat janë një burim i shëndetshëm karbohidratesh, një ushqyes makro të cilin organizmi e transformon në glukozë dhe më pas në energji.

Më poshtë Receta Gatimi u sugjeron dy mënyra të përgatitjes së thjerrëzave si jahni por edhe si supë.

Përgatitja e Thjerrëzave Jahni në Shtëpi

Përbërësit

(Përbërësit më poshtë janë për 4-5 persona)  

2 filxhanë çaji me thjerrëza

1 filxhan kafeje me vaj ulliri

1 lugë kafe miell

Rigon

Spec djegës

2-3 thelpinj hudhra

Uthull sipas dëshirës

Përgatitja

Thjerrëzat pastrohen, lahen dhe vendosen të zjejnë.

Në një enë me lyrë, mundësisht me vaj ulliri, kaurdiset pak miell, shtohet spec, rigon, hudhra të shtypura dhe uthull.

Salca e përgatitur u hidhet thjerrëzave.

Kjo është një nga mënyrat e thjerrëzave. Por mund t’i përgatisni edhe ndryshe.

Vihen në zjarr me qepë, karrota të prera në kubikë të vegjël, pak vaj uliri dhe në fund u hidhet pjesa tjetër e vajit të ullirit dhe majdanoz i grirë hollë.

Hudhra hidhen sipas dëshirës. Për ta trashur pak lëngun mund të hidhet edhe një kokërr patate e cila, pasi zjen shtypet.

Products You May Like

Leave a Reply

Your email address will not be published. Required fields are marked *